Chronik

A Gschicht vom Wirt!

Stöt´s eich amoi voa,

augfaunga zum Leana hot da Harry im 94er Joa!

Togtäglich is ea, mim Moped, üban Beag ins

Schmankerl und Trankerl gfoan,

im Somma hot ea gschwitzt, im Winta hot eam gfroan!

4 Joa laung hot ea des gmocht,

damit´s ia eicha dringa und essen kriagt´s hot ea si docht!

Mim Leabriaf in da Haund,

is ea auf Saison gaunga, noch Tirol, ins heilige Laund!

Hot duat 5 Joa goarbeit und g´soffm,

daun 2003 daham sei Madl im Kaffeehaus troff´m!

2011 hot sei Bua des Liacht der Wär eablickt,

do hot ea si augstöt gaunz gschickt!

Da Traum vom eigenen Wiatshaus is vaschom,

oba ea hot jo nu gnua Zeit bis zua Pension!

Endlich, 2014, is daun so weit, zu Jedermanns Erfreulichkeit,

ea hoit si kurzerhaund, sein Schwogan ois Chefkoch ins Laund,

übanimmt des Schmankerl und Trankerl vom Lehrherrn,

des kau jo nua lustig wean!

Und jetzt eßt´s nd trinkt´s orgendtlich,

damit i net umsunst gschrim hob de Gschicht!!!